04/14,2010

Mifamely ny foza!

Miala any ny vaovao tsara, faly anie aho izany ka faly e, hifarana ihany ity tantara ity, kely sisa, oe, oe, oeeeeeeeeeeeeee!!!

 

 

Elaela aho izay tsy nanoratra, efa nanomboka ho kivy ihany manko ny tena noho ny zava-misy eto amin’ity tany malala. Fa androany indray aho, nahita vaovao tsara, ka maika ery hanoratra hahahaha!

 

 

Ramonja aloha iny efa lasa, voadaka be, ny lefony ihany no nahavoa azy.

 

 

Dia izao fa miady ny mpinamana roalahy, milay be, tsy nisy nampiady fa izy samy izay ihany no nifanisy, hihihihi, milay be, oe, oe, oeeeeeeeeeeeee!!!

 

 

Hay ve ka izao e : “Par ailleurs, il existe actuellement un problème de commandement au sein de la FIS. Les deux lieutenants-colonels, Charles Andrianasoavina et René Lylison ne s'entendent plus. Cette mésentente trouve sa source au niveau des personnes composant la FIS. En septembre 2009, le lieutenant-colonel Charles Andrianasoavina a limogé 16 membres de la FIS. Mais le Lieutenant-colonel René  les a réintégrés par la suite. Le vase a débordé lorsque ce samedi 10 avril 2010, certains éléments de la FIS ont accusé  Charles Andrianasoavina de fomenter un coup d'Etat. "C'est grâce à moi que Andry Rajoelina est arrivé à sa place actuelle. Ce n'est pas moi qui irai le renverser aujourd'hui", a dit le lieutenant-colonel Charles Andrianasoavina pour sa défense. Ce dernier a affirmé que ce samedi, il a lancé cette rumeur pour tester la valeur morale des 16 éléments de la  FIS réintégrés par René Lylison. »

 

 

Raha izao no mitohy dia ho lasa tahaka an’i Dadis Camara ihany Rajoelina. Ny mpanohana azy ihany no hivadika aminy rehefa tsy faly amin'ny ataony. Izao Ra-Dadis tsy rere intsony.

 

 

Andeha hiverena hiresaka ireo « compagnon d’arme »n-dRajoelina.

 

 

Nesorina tamin’ny toerany ny minisitra (petatoko) Noël Rakotonandrasana, voaendrikendrika ho nanomana fanonganam-panjakana, oeeeeeeeeeeeeee!!!

 

 

Alefa alefa e, izahay mitazana fotsiny ka, sady tsy manana basy rahateo koa moa, dia lalaovy ny basinareo ary e!!!

 

 

Tena milay hoy aho ny fandehan’ny raharaha , tena milay, tohizo tohizo hatrany, fa izay ihany no hampandroso an’ity Gasikara.

 

 

Kotofesty sy Mahaka ny FAT mianakavy, samy mifamely eo, efa mivaralila sahady, mbola ho aiza ity hahazo...

 

 

Kely sisa...

 

 

Politika | Hevitra (9) | Hametraka hevitra

03/17,2010

Valin'ilay resaka Daewoo

Tsy nety tafiditra ny tsikerako, ary atahorako tsy hiseho, na tsy haseho, mihitsy dia aleoko nanaovako lahatsoratra hafa mihitsy.

Izao kosa no fahitako azy.

Lease = Fanofana = Location à bail.
Ilay tany tsy hoe "navarotra" dia lasan'ny Daewoo sy Varun fa nampanofaina, midika izany fa mbola antsika ihany satria mbola eto Madagasikara fa tsy nobatain'ny vahiny nentiny any aminy na ho lasa fananany mandrakizay. Ny "FANOFANA TANY", na koa ilay antsoin'ny tantsaha hoe "MITELO"(an'ny tompon-tany ny 2/3 na 1/3-ny vokatra) na "MISASAKA" (an'ny tompon-tany ny antsasaky ny vokatra), na ny manofa amin'ny alalan'ny fanomezam-bola ny tompon-tany dia efa fomba fanaon'ny mpamboly Malagasy hatrizay. Fa rehefa miditra politika fotsiny ilay izy dia lasa hafa no andraisana azy. Amiko tokony niady varotra tsara fotsiny ny mpitondra fanjakana teo aloha hoe aleo anay ny ampahany amin'ny vokatra, na nanao fitsapan-kevim-bahoaka alohan'ny nampanofaina an'ilay tany. Fa raha araka ny voalaza manko dia tany karakaina tsy misy mpamboly, tsy dia mamokatra sy sarotra ambolena raha tsy amin'ny alalan'ny fampiasana teknolojia avo lenta sns..., tsy tany volen'ny tantsaha Malagasy ilay izy. Maro koa moa ny lainga aparitaky ny sasany mba hampirotaka ny Malagasy ka hitenentsika hoe "aza avidy, aza avarotra ny tanindrazana". Zavatra azo fantarina izany, izaho aloha mbola tsy naheno na tantsaha iray aza niteny na nitory tany amin'ny fitsarana hoe nalain'ny fanjakana teo aloha (homena an'ny Daewoo) ny taniny, midika izany fa "tanim-panjakana" ilay izy ka azony ampiasaina amin'izay mety ilana azy.

Ka raha io fanofana tany io no hampandroso an'ity Gasikara dia maninona moa no tsy atao. Tsy hitako izay maharatsy an'izany, ny hany fantatro aloha araka ny hitako any am-banivohitra dia ny tompon-tany foana, izany hoe isika Malagasy ihany, no hahazo tombony amin'izany nefa ny hafa no mampiasa ny volany hamokarana eo amin'ny tanintsika, ary mbola maro koa ny tombontsoa ho azontsika amin'izany: toy ny fisian'asa, fisian-kanina, sns...

Ny hisy izao dia hanao an'io ihany ny FAT fa mbola afenina aloha, satria izany zavatra namelezana ny teo aloha, fa rehefa milamina ny tanàna sy ny tantara dia aroso amin'izay ilay fifanarahana amin'ny Daewoo na ny Nosy Maorisy na firenena arabo sns.

Indraimipika | Hevitra (16) | Hametraka hevitra

02/22,2010

21 Febroary - Very aho lelako ô!

Ny 21 Febroary dia 

 

1) andro iraisam-pirenena ho an'ny tenim-pirenena

 

Dia andao ho raisina ny hevitr'ireo mpampi.... (préposition) roa eo alohan'ny teny hoe "tenim-pirenena"

 

"ho an'ny"

 

Tokony nanao fety kely zany izaho omaly, ka sahala amin'ny andro iraisam-pirenena ihany io mantsy. Rehefa fetin’ny reny, dia anaovana fety kely Ineny, omena fanomezana, oraka, fisaorana sy firariana isan-karazany. Rehefa fetin'ny fitiavana dia ankalazaina ny fitiavana (raozy, oroka, fandriana, etsetra etsetra. Rehefa fetin'ny tenim-pirenena koa dia mba ankalazaina koa ilay tenim-pirenen'ny tena, dia miteny malagasy ranoray ohatra izany aho mandritra ny indray andro manontolo, na farafaharatsiny mihira hira Malagasy, tena Malagasy ranoray (na malagasy ofisialy io na tenim-poko, dia gasy avokoa zany hihi). Fa ny loza, tsy "an'ny" teny Malagasy ny androko omaly, na ny nihira hira gasy (nefa zavatra fanao matetika) aza hadinoko tanteraka omaly, nefa ny alakamisy lasa teo aho dia efa nahafantatra ny momba ilay andro iraisam-pirenena fa androany hariva vao nahatsiaro an'ilay izy indray. Farafaharatsiny i Zafintaolo mba nihira hoe:

 

"Mba tsofy rano 'zahay Zanahary mba ho tafarina.

 

nanananana nanananana nanananana an an an an

 

Herinandro no tsy nivalana ô, ô Gasikarako ♫ ô

 

Fa loza inona 'ty nahazo ô ô... (tsy tadidy intsony ny tohiny)

 

Nana... ......fihinana ravi-kazo

 

Vao fito volana ny mangahazo

 

Ny takalo-patsa efa lany vatsy euh euh"

 

 

 

na koa hoe

 

2) andro iraisam-pirenena natokana ho an'ny tenim-pirenena

 

"Natokana"

 

Raha tokony ho izy izany, ho ahy manokana, dia tokony tsy niteny afa-tsy ny tenim-pireneko dia ny teny Malagasy aho omaly, fa tsy tafa mihitsy. Na niresaka tamin'ny gasy miteny gasy aza dia mbola tafateny tenim-bahiny ihany.

Tsy gasy lela intsony?

 

Indraimipika | Hevitra (5) | Hametraka hevitra

01/21,2010

Tsy tafandry intsony

Tratry ny Asaramanitra daholo ry havana malala!!!

 

Tononkalo tsy dia ary fomba no ndeha hatolotro etoana. Mba nanana aingam-panahy kely manko i Zafintaolo androany. Mazava dia mazava hoe iza no resahina eto.

 

 

 

Tsy tafandry intsony aho!!!

 

Natsiro tery ny fiainako taloha.

Tara vao natory, tara vao nifoha.

 

Naniry ho mera aho, dia lany mera;

Faly ery tamin’zay nanao dom-bera.

Naniry ho filoha aho, dia lasa filoha;

Azoko mora ny sezan’lay teo aloha.

 

Saingy tsy nampoiziko:

Feno korontana ny nofiko,

Misokatra anaty haizina ny masoko.

Inona no hatao? F’inona 'ty nataoko?

 

Naniry ny hitarika aho ka izao, enjehina avy ao aoriana.

Toa tsy ho zakako intsony izy ’ty, aoka fa tena fahoriana!

Hiteny hoe avelao aho, hay moa efa niteny hoe tohano aho,

Hiteny hoe mandehana any, aiô k'efa niteny hoe araho aho.

 

 

Ny mpanaraka ahy misarangotra, mitaky ny anjarany.

Ny mpanohitra ahy tsy reraka, mamely hatrany hatrany.

’Reo rehetra azo ilana vonjy, indrisy fa lasa, nandao ahy.

Tena reraka ny saiko, ry lanitro ô , ’ty ’zaho lany fanahy.

 

Niriko ho ahy ny toerana farany ambony, azoko.

Niriko honenana ny lapa farany tsara, azoko.

Fa 'zao aho lasa tsy ampy tory, malazolazo,

Toa ho tapaka 'ty tetezana, toa boboka fa hazo.

 

 

                                                Nirina Sokina Nananibato

 

 

 

 

 

Politika | Hevitra (7) | Hametraka hevitra

11/23,2009

Antso avo: omeo tànana

Miarahaba ny mpitoraka bolongana rehetra.

Misy tetikasa iray ataona fikambanana mpanao asa soa tsy miankina amin'ny fanjakana, mizara solosaina XO ho an'ny ankizy mpianatra eto Madagasikara, ao anatin'ilay tetik'asa "solosaina iray isaky ny ankizy". Efa misy solosaina tonga aty Madagasikara ary efa maro ny ankizy no nahazo ny anjarany. http://olpc-france.org/blog/2009/08/

Irin'ireo tompon'andraikitra momba izany hadika amin'ny teny gasy iray manontolo (na izay rehetra azo adika) ny mombamomba ilay solosaina sy ny rindran'asa rehetra ao anatiny.

Tsy terena ny fandraisana anjara, fa izay mazoto ka mba manam-potoana dia iangaviana mba hanome tànana, na fehezanteny iray isan'andro aza no vitany dia efa asa soa fitsimbinana ny ankizy mpianatra Malagasy izay.

Raha te-hisoratra anarana dia tsindrio ny rohy: http://translate.sugarlabs.org/register.html

Raha te-handray anjara amin'ny fandikan-teny dia tsindrio ny rohy: http://translate.sugarlabs.org/mg

Teny anglisy no teny iaingana, ary tsy sarotra ho an'izay efa zatra mampiasa sy mandre voambolana momba ny informatika izany.

 Isaorana mialoha ny mpandray anjara rehetra na ny havitrika na ny hiserantserana.

 

Ankapobeny | Hevitra (7) | Hametraka hevitra